[شرح] ماهو سيرفر البروكسي وعلاقته بالربح من الأنترنت 2014

الأربعاء يوليو 10, 2013 9:04 am

البروكسي و إستخدامه فى ادسنس

اولاً : خلينا نعرف يعنى ايه بروكسي

بروكسي هى كلمة إنجليزية تعنى الوكيل(PROXY)

وهى ببساطة وبدون الدخول فى تفاصيل شرحها هى عبارة عن وسيط بين المشتركين بشبكات الإنترنت المختلفة ومواقع الانترنت حول العالم

_طيب ايه علاقة البروكسي بالربح من النت عموماً او بالأخص ادسنس

_إهدى بالله كدة واصبر على رزقك كله جي فى السكة

من اين جاءت فكرة إنشاء البروكسي؟

_اه ليه بقى هاه ليه !!!

_إحنا اتفقنا إن البروكسي هو وسيط بين المستخدمين والمواقع او الوكيل الذي يوصلهم ببعضهم البعض صح

_تمام

_وإحنا عارفين إن فى مواقع معينة عاملة حذر لدول معينة مش شرط المواقع اللى فى بالك والبلد اللى فى بالك فى مواقع خدمات كتير مش بتقبل غير دول معينة عشان كدة جت فكرة إنشاء مواقع البروكسي للولوج على المواقع المحظورة مش فاهم برضه…

يعنى مواقع البروكسي بتفتحلك اي موقع محظور فى بلدك وبمنتهى السهولة وليس عليك سوى ان تكتب انت رابط الموقع فقط

_حلو اوي أيه علاقة بقى ده بأدسنس

_السؤال جي اهوه

كيف اربح من إنشاء موقع بروكسي؟

_انت حتعمل موقع البروكسي التمام ياكبير وحتحط مثلاً إعلانات ادسنس هو يفضل ادسنس من رأي مع مواقع البروكسي وممكن طبعاً تستخدم اي شركة إعلانات تانية او اي طريقة تسويق او ربح عموما من النت تحطها بدل ادسنس والعب يامعلم بقى زوار من كل حتى فى العالم وارباح بتزيد والحياة 100 فل و 14

طيب السكريبت بتاعه اجيبه من اين ؟

(_على قفا من يشيل ياكبير ) عليا الطلاق ديه مش تدوينة مدون عاقل فى مدون عاقل يكتب على قفا من يشيل فى التدوينة ^^

المهم كل اللى عليك تعمل بحث فى البرنس جوجل وتكتب فيه سكريبت مواقع بروكسي مجانى واستلم بقا النتايج اقصد اقول إنه متوفر بغزارة

.بس خلينى اكون صريح معاك ذي ماهو البروكسي بيعتبر ربح سهل وبدون مجهود إلا إنه فى كثير من الأحيان تكثر بسببه المشاكل خلينى اقولك مشاكل البروكسي

لاانصحك بأن تضع موقع البروكسي الخاص بك على إستضافة عادية لآنه فى الغالب سيشكل مشاكل على باقى من معك على نفس الإستضافة بسبب إنه سيستهلك من السيرفر الكثير

يعنى من الأخر اشتري سيرفر vps احسنلك واعمل اللى انت عايزه عليه

_تانى حاجة حابب الفت نظرك ليها إن المنافسة فى مواقع البروكسي كبيرة ستخوض معارك يعنى عشان تقدر توصل وتشتهر

- بالنسبة لآدسنس وإعلاناته حطها فى الصفحة الرئيسية بس يابطل اوعى تحطها فى النافذة التى تظهر للزائر عند إدخال الرابط الخاص به لو عملت كدة عليه العوض فى ادسنس بتاعك عشان ده مخالف يارايقبالنسبة لآدسنس طبعاً

وكن على إطلاع دايما بنقراتك وتأكد بعدم وجود نقرات غير شرعية فى حسابك

_طيب لغاية هنا ذي الفل بس ده بقى اجبله زوار من اين ؟

_انت مش حتجبله هما بيجوا لوحدهم بس الفكرة إن كل اللى مطلوب منك انك تضيف موقعك فى دلايل البروكسي ومع الأيام ستجد ان الزوار يزدادو يوم بعد يوم والبلية حتلعب ياكبير ^^ وخصوصاً لو انت موقعك على سيرفر ده حيفرق معاك طبعاً من حيث السرعة ومما سيؤدي لرفع موقعك فى نتايج محركات البحث

بس خلاص

الخميس ديسمبر 19, 2013 7:34 am

موضوع رائع بوركت
[شرح] ماهو سيرفر البروكسي وعلاقته بالربح من الأنترنت 2014 4

[شرح] ماهو سيرفر البروكسي وعلاقته بالربح من الأنترنت 2014 128711691410

[شرح] ماهو سيرفر البروكسي وعلاقته بالربح من الأنترنت 2014

[شرح] ماهو سيرفر البروكسي وعلاقته بالربح من الأنترنت 2014

_da3m_2